आजकोकुरा: कात्तिक:२७,कास्की।पुर्व गृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई आज बयानका लागि रुपन्देही लगिने भएको छ ।
सूर्यदर्शन सहकारीको रकम अपचलनको अनुसन्धानका लागि कास्की प्रहरीको हिरासतमा रहेका उनलाई बुटवलस्थित सुप्रिम सहकारी ठगी प्रकरणमा बयानका लागि रुपन्देही लगिएको हो ।
नेपाल प्रहरीले बिहान करिब ५ः४० मै उनलाई एयरपोर्ट पुर्याएको बताइएको छ ।तर,बिहान हुस्सुका कारण उडान प्रभावित भएकोले लामिछानेलाई एयरपोर्टमै राखिएको पनि जनाइएको छ ।
स्रोतका अनुसार उनको आज नै बयान सकेर पुनः कास्की फर्काउने प्रहरीको तयारी छ । बुटवलस्थित सुप्रिम ऋण तथा बचत सहकारी संस्थाको १४ करोड २९ लाख रुपैयाँ गोर्खा मिडिया नेटवर्क प्रालिमा लगेर खर्च गरेको अभियोगमा अनुसन्धान गर्न लामिछाने र जीवी राईसहित १२ जनालाई पक्राउ गर्न रुपन्देही जिल्ला अदालतबाट यसअघि नै प्रहरीले अनुमति लिएको थियो ।
संसदिय विशेष समिति र प्रहरीको प्रतिवेदनमा उल्लेख भए अनुसार सो सुप्रिम सहकारीबाट एक करोड ९६ लाख रवि लामिछानेकै नाममा र १४ करोड २९ लाख रुपैयाँ विभिन्न व्यक्तिमार्फत गोर्खा मिडिया नेटवर्कमा पुगेको छ ।
