आजकोकुरा: कत्तिक,०५ काठमाडौँ । नेपाली कांग्रेसका सभापति शेरबहादुर देउवा र महामन्त्री गगन थापाबिच छलफल हुदैछ।
प्रधानमन्त्री केपी शर्मा ओलीद्वारा दल विभाजनसम्बन्धी अध्यादेश ल्याउने तयारी रहेपछि यस विषयमा देउवासँग महामन्त्री थापाको छलफल लागेको हो ।
अध्यादेश ल्याउनका लागि प्रधानमन्त्री ओलीले देउवासँग बारम्बार ताकेता गर्दै छलफल गर्न उनले आइतबार देउवालाई बालुवाटार बोलाएका थिए । तर यस सन्दर्भमा देउवा मौन रहेको बताएको छ ।
ओली र देउवाबिच छलफल भए लगत्तै एमालेबाट महासचिव शंकर पोखरेल, विष्णु पौडेल, कांग्रेसबाट देउवासहित गृहमन्त्री रमेश लेखक, महामन्त्री गगन थापा लगायत केही नेताहरू बालुवाटार पुगेका थिए । अध्यादेश ल्याउने सन्दर्भमा कांग्रेसभित्र मतभेद रहेको पाइएको छ ।
यसैगरी ,पूर्वप्रधानमन्त्री एवं एकीकृत समाजवादीका अध्यक्ष माधव नेपाल, महासचिव घनश्याम भुसाल लगायत नेताहरूले ओलीलाई अध्यादेश रोक्न आग्रह गरिरहेका छन् । आजै साँझ प्रधानमन्त्रीको कार्यालय सिंहदरबारमा मन्त्रिपरिषद् बैठक बस्न लागिरहेका छन् भने आजै अध्यादेश पेस हुन सक्ने अनुमान समेत गरिएको छ।
