आजकोकुरा: पौष २७,काठमाडौं । गीतकारहरुको छाता संगठन गीतकार संघ नेपालकाे १५ औं साधारणसभा एवम् ७औं अधिवेशनबाट वरिष्ठ गीतकार वसन्त वित्यासी थापा पुनः अध्यक्षमा निर्विरोध चयन भएका छन् ।
काठमाडौ अनामनगरको तमु ल्होसार हलमा आयोजित कार्यक्रममा उनको नेतृत्वमा नयाँ कार्यसमिति चयन भएको हो। यसअघि पनि संघको अध्यक्षतामा थापा नै चयन भएका थिए।
यसैगरी नयाँ कार्यसमितिमा उपाध्यक्ष रमेश काेईराला, महासचिवमा टीका राई शिव, सचिवमा शितल कादम्बिनी, काेषाध्यक्षमा चेतन खतिवडा पुनः दाेहाेरिएका छन् । उनीहरु पनि निर्विरोध निर्वाचित भएका हुन् ।
त्यसैगरी कार्यसमितिमा सदस्यहरुमा ६ जना आवश्यक रहेकोमा ८ जनाकाे उम्मेदवारी परेकाे थियो भने सदस्यहरुमा रमेश दाहाल, कमल पाैडेल, गाेविन्द श्रृङखला, देवी पराजुली, विष्णु भण्डारी,जीवन मुकारुङ निर्वाचित भएका थिए ।
आजको कार्यक्रममा प्रमुख अतिथि प्रतिष्ठित गीतकार राजेन्द्र थापा थिए भने विशेष अतिथिहरुमा वरिष्ठ गीतकार एसपी काेइराला, नेपाल सांगीतिक संघका महासचिव सुमन पण्डित, नारायण गाेपाल स्मृति प्रतिष्ठानका अध्यक्ष दिपक केसी, संघका पूर्व अध्यक्ष याेगेन्द्रमणि दाहाल, संघ पुर्व अध्यक्ष शुभ मुकारुङ लगायत थिए। कार्यक्रममा गीतकारहरुकाे उपस्थिति रहेको थियोे ।
गीतकारहरुको भविस्य र अधिकारको निम्ति दह्रीलो कार्य अभियान चलाइरहेको संघले अझ अध्यक्ष थापा पाएपछी दिर्घ रोग,आर्थिक समस्यामा परेका गीतकारहरुलाइ विभिन्न कार्यक्रम गरि सहयोग सेवा प्रदान गरिएको छ।
निर्विरोध पुनः चयन भएपछी अध्यक्ष थापाले आजकोकुरा डटकमसंग कुरा गर्दै ‘समस्त गीतकारहरुको विस्वासलाइ आत्मसाथगर्दै गीतकारहरुको सुनौलो भविस्य र पाउनुपर्ने राष्ट्रिय सम्मान अनि संघको आफ्नै भवनको निम्ति सरकारसंग र सम्बन्धित निकाय, सरोकारवालासंग जोडदार माग ,संघर्ष र अनुरोध गर्ने प्रण गर्दछु’भने।
नयाँ निर्वाचित कार्य समितिलाई आजकोकुरा डटकम परिवारको पनि शुभकामना।
